ریاست مہاراشٹر کے شہر مالیگاؤں میں مونسپل کارپوریشن نے گرنا اور موسم ندی کے سنگم کے قریب ہیرا پورہ سے متصل پورنی ٹیکنیک والے ٹریٹ مینٹ پلانٹ کو نصب کرنے کی تیاری میں ہے، جس میں سوئیگاوں کلکٹر پٹہ بستیوں کا گندا پانی اس علاقے میں صاف کرکے کچرا الگ کیا جائے گا اور اس کے بعد مالدہ ایس ٹی پی پلانٹ تک روانہ کیا جائے گا، جس کے باعث ہیرے پورا مالدہ شیوار تک پورے گردوار وارڈ کی عوام کی صحت کو خطرہ لاحق ہے۔
اس سلسلے میں مجلس اتحاد المسلمین کے شمالی مہاراشٹر کے صدر ڈاکٹر خالد پرویز نے ای ٹی وی بھارت سے بات کرتے ہوئے کہا کہ گزشتہ روز انہوں نے مونسپل کارپوریشن کمشنر بھالچندر گوساوی کو تفویض کیا اور انتباہ دیا کہ اس پلانٹ کو مغربی حصے میں کلکٹر پٹے کے نزدیک کسی دوسری جگہ نصب کیا جائے۔
ڈاکٹر خالد پرویز نے کہا کہ مونسپل کارپوریشن کا مالدہ شیوار میں ایس ٹی پی پلانٹ جاری ہے جو کہ جدید سہولیات کے تناظر میں ہے۔
انہوں نے کہا کہ ہیرا پورے کے اطراف میں جو ٹریٹ مینٹ پلانٹ بنایا جارہا ہے اسے این بی بی آر کہا جاتا ہے۔ جو پورنی ٹیکنیک کا ہے اور نئی ٹیکنیک کے پلانٹ کو ایس بی آر کہا جاتا ہے۔
ڈاکٹر خالد پرویز نے کہا کہ این بی بی آر کھلا ہوگا، جس کے آس پاس گندے پانی اور کچرے کا انبار ہوگا، واضح رہے کہ کئی علاقوں اور مونسپل کارپوریشنوں نے اس پلان کو مسترد کردیا ہے لیکن مالیگاؤں مونسپل کارپوریشن اس پلانٹ کو یہاں نصب کرکے شہریوں کی زندگی سے کھلواڑ کرنا کی کوشش کر رہی ہے۔
