ملک میں جی ایس ٹی کے خلاف ستر سے زائد تنظیموں نے بھارت بند کی حمایت کی ہے۔ مہاراشٹرا کے شہر اورنگ آباد میں ویاپاری مہاسنگھ نے جی ایس ٹی کے خلاف چھبیس فروری کو ملک گیر بیوپاری بند کال کی حمایت کا اعلان کیا ہے۔
اس بات کی جانکاری ویاپاری مہاسنگھ کے صدر جگن ناتھ کالے نے دی۔ ان کا کہنا ہے کہ اورنگ آباد ضلع میں کاروبار سے جڑی متعدد تنظیموں نے اس بند کی حمایت کی ہے۔ اس لیے بھارت بند میں اورنگ آباد شہر بھی پوری طرح شامل رہے گا۔
انہوں نے کہا کہ مرکزی حکومت کی جی ایس ٹی پالیسی تاجروں کے لیے جان لیوا ثابت ہورہی ہیں۔ اس کے تحت اورنگ آباد شہر کی سبھی دکانیں بھارت بند کی حمایت کریں گی۔
یہ بھی پڑھیں: بھارت - پاک تمام کنٹرول لائن معاہدوں کی عمل درآمد پر متفق
واضح رہے کہ کانفڈریشن آف آل انڈیا ٹریڈرس نے چھبیس فروری کو بھارت بند کی کال دی ہے۔
