ریاست مہاراشٹر کے اورنگ آباد میونسپل کارپوریشن کے سدھارت گارڈن چڑیا گھر میں ایک شیرنی نے پانچ بچوں کو جنم دیا ہے۔ جس کے بعد سے چڑیا گھر میں خوشی کا ماحول ہے۔ پانچوں بچے اور ماں صحت مند ہیں اور انہیں سردی سے بچانے کے لئے خاص انتظامات بھی کیے گئے ہیں۔ وہیں کیئر ٹیکر کے علاوہ کسی کو بھی ان کے قریب جانے کی اجازت نہیں دی گئی ہے۔
سدھارتھ گارڈن چڑیا یا گھر کے ڈائریکٹر ڈاکٹر نائیکواڑے نے بتایا کہ چڑیا گھر میں شیرنی اور اس کے پانچ بچے پوری طرح صحت مند ہیں۔'
واضح رہے کہ سدھارتھ گارڈن میں اب تک شیروں کی تعداد نو تھی ان میں پانچ بچوں کا اضافہ ہو ہو چکا ہے۔
میونسپل کارپوریشن کے پریس نوٹ کے مطابق 'چڑیا گھر کے سپر وائزر اور ویٹرنری ڈاکٹرز بچوں پر مسلسل نظر رکھے ہوئے ہیں، شیر کے بچوں کو خاص نگہداشت میں رکھا گیا ہے۔ شیرنی اور بچوں کو سردی سے محفوظ رکھنے کے لیے پنجرے میں ہیٹر لگا دیا گیا ہے۔ ساتھ ہی بچوں کی ہلچل پر نگرانی کے لئے سی سی ٹی وی کیمرے بھی نصب کئے جا چکے ہیں۔
یہ بھی پڑھیں: مدھیہ پردیش کابینہ نے آزادیٔ مذہب بل کو منظوری دی
اس کے علاوہ شیر کے بچوں کی دیکھ بھال کے لئے کیئر ٹیکر کو بھی مقرر کیا گیا ہے۔ کیئر ٹیکر کے علاوہ کسی کو بھی شیر کے پنجرے کے قریب جانے کی اجازت نہیں دی گئی ہے۔
