موبائل شاپز میں لاکھوں روپے کی چوری

ریاست مہاراشٹر کے اورنگ آباد کی سیلوڑ تحصیل میں دو موبائل کی دکانوں کا شٹر توڑنے کے بعد چور دکان میں رکھے ہوئے موبائل سیٹ کے ساتھ ہزاروں روپے کی مالیت کا موبائل سامان لے کر فرار ہو گئے۔ یہ سارا واقعہ موبائل شاپز کے سی سی ٹی وی کیمرے میں قید ہوگیا۔

سی سی ٹی وی میں دیکھا جا سکتا ہے کہ ایک نوجوان دکان کا شٹر توڑ کر دکان میں داخل ہوا اور دکان میں رکھے سارے سامان کو لے کر فرار ہوگیا۔

صبح دکان کے مالک اپنی دکان کھولنے آئے تو دیکھا کہ دکان کا آدھا شٹر ٹوٹا ہوا جس کے بعد دکان کے مالک نے سیلوڑ پولیس کو واقعے کی اطلاع دی۔ پولیس نے جائے واقعہ پر پہنچ کر چوری کا مقدمہ درج کرلیا۔ سیلوڑ پولیس فی الحال ملزم کو تلاش کر رہی ہے۔