موسلا دھار بارش کی وجہ سے مہالکشمی ایکسپریس بدلا پور اور وانگنی کے درمیان پھنسی ہوئی ہے جس سے ہزاروں مسافر پریشان ہیں جبکہ ریلوے پولیس، سٹی پولیس اہلکار اور این ڈی آر ایف ٹیم مسافروں کی مدد کے لیے پہنچ گئے ہیں۔
پولیس نے مسافرین میں پانی اور بسکٹ تقسیم کئے ہیں اور امدادی کارروائی شروع کردی گئی ہے۔
بارش بنی وبال جان، ویڈیو
موسلادھار بارش کی وجہ سے ریلوے لائن پر پانی بھر جانے کی وجہ سے مسافر باہر نہیں نکل سکتے اسی لئے راحتی ٹیم نے تمام مسافروں سے اپیل کی ہے کہ کوئی بھی مسافر ٹرین سے باہر نا نکلے، اور مسافروں میں اشیائے خوردنی تقسیم کی ہے۔
