Bankruptcy Of Go Air Ways:حکومت گوائیرویزکے دیوالیہ کی بھرپائی حاجیوں کے پیسے سے کررہی ہے

ممبئی کے رکن اسمبلی رئیس شیخ نے کہا کہ حکومت گو ائیرویز کے دیوالیہ ہونے پر اُسکی بھرپائی حاجیوں کے پیسوں سے کر رہی ہے اسی لیے حج پر جانے والے عازمین کیلئے ہر جگہ سے پیسوں کا فرق بہت زیادہ ہے۔

حج عازمین کیلئے گو ائیرویز کا مسئلہ برقرار ہے سماجوادی پارٹی کے رکن اسمبلی رئیس شیخ نے کہا ہے کہ سب سے پہلے ناگپور۔اورنگ آباد ممبئی ان سب جگہ سے حج عازمین سے جو پیسے لئے جاتے ہیں ان میں بہت فرق ہے۔اور اس سے بھی زیادہ پریشانی یہ کہ گو ائیرویز کا دیوالیہ ہوگیا ہے اور حکومت خاموش تماشائی بنی ہوئی ہے۔یہ عازمین کے لئے باعث پریشانی ہے۔ شیخ نے الزام عائد کرتے ہوئے کہا کہ حکومت گو ائیرویز کے دیوالیہ ہونے پر اُسکی بھرپائی حاجیوں کے پیسوں سے کر رہی ہے اسی لیے حج پر جانے والے عازمین کیلئے ہر جگہ سے پیسوں کا فرق بہت زیادہ ہے۔

شیخ نے کہا ہے کہ حاجیوں کے میڈیکل ٹیسٹ کے لیے ممبئی میں دو ہسپتالوں کو مقرر کیا گیا جبکہ یہاں تک کہ عازمین کو پہنچنے میں بڑی دقتوں کا سامنا کرنا پڑتا ہے، اس لیے انہوں نے بلدیہ کے اعلیٰ افسران اور کمشنر سے اس بات پر غور کرنے کے لیے کہا ہے کہ حاجیوں کے میڈیکل ٹیسٹ کے لیے لیے علاقائی سطح پر وارڈ سطح پر ڈسپنسری میں سہولیات دی جائے تاکہ عازمین آسانی ہو۔

حاجیوں کے بنیادی پریشانیوں میں سے ایک اہم پریشانی یہ ہے کہ انہیں ریال نہیں دیا جارہا ہے ،اس سے ان کی پریشانیوں میں مزید اضافہ ہوگیا ہے۔