دو ملزمین نے بلڈر سے دو کروڑ روپے لے کر بہار فرار ہوگئے، تھانے کرائم برانچ نے دونوں ملزمین کو مدھیہ پردیش کے کھنڈوا اسٹیشن سے جی آر پی کی مدد سے گرفتار کیا ہے۔
ملزمین کے پاس سے دو کروڑ روپے نقد برآمد کیے گئے ہیں۔
پولیس کے اعلیٰ افسران اور تفتیشی پولیس انسپکٹر رنبیر بایسے کے مطابق ممبئی کے ایک بلڈر کو لون دلانے کے بہانے ٹھگی کرنے کا پلان کر کے دو شاطر جعلسازوں نے کروڑوں روپے لون کے عوض دو کروڑ روپے سکیورٹی ڈپازٹ کے طور پر لیا اور پون ایکسپریس ٹرین سے بہار فرار ہوگئے۔
بلڈر نے اس دھوکہ دہی کی شکایت پولیس کے اعلیٰ افسران سے کی۔ اس شکایت پر پولیس کی ٹیمیں الرٹ ہوگئی تھانے کرائم برانچ کی ٹیم نے دونوں شاطر جعلسازوں کے موبائل نمبر اور سی سی ٹی وی فوٹیج کی بنیاد پر انہیں تلاش کرنا شروع کیا اسی درمیان پولیس کو ملزمین کا لوکیشن پڑوسی ریاست مدھیہ پردیش کے کھنڈوا اشٹیشن پر دکھائی دیا جس کو لیکر کرائم برانچ ٹیم نے کھنڈوا جی آر پی سے رابطہ کیا اور جی آر پی پولیس نے پون ایکسپریس ٹرین سے جعلساز ونود کمار جھا اور امت کمار یادو کو ایک بیگ میں رکھے دو کروڑ روپے کے ساتھ گرفتار کرکے تھانے کرائم برانچ کے سپرد کردیا۔
فی الحال پولیس کی ٹیم اس دھوکہ دہی میں بینک ملازمین سمیت مختلف زوایے سے اس فراڈ معاملے کی تحقیقات کرنے مصروف ہے۔
