ریاست مہاراشٹر میں کورونا وائرس کے ویکسین کی تقسیم کے لئے وزیر اعلی ادھو ٹھاکرے نے چیف سکریٹری کی سربراہی میں ایک ٹاسک فورس تشکیل دی ہے۔
اس ٹاسک فورس کو وزیر اعلی کی دی گئی ہدایات کے مطابق تشکیل دیا گیا ہے۔ جس میں ایڈیشنل چیف سکریٹری برائے خزانہ، منصوبہ بندی، پبلک ہیلتھ کے پرنسپل سکریٹری، میڈیکل ایجوکیشن کے سکریٹری، صحت خدمات کے کمشنر، میڈیکل ایجوکیشن کے ڈائریکٹر اور ڈاکٹر کو شامل کیا گیا ہے۔
ساتھ ہی اسس ٹاسک فورس میں ششانک جوشی کے ساتھ ساتھ جے جے اور کے ای ایم اسپتال کا عملہ اور سماجی ادویات کے محکموں کے کلیدی ممبر بھی ہوں گے۔
اس ٹاسک فورس سے امید کی جا رہی ہے کہ وہ ویکسین اسٹوریج اور تقسیم کے نظام کے لئے کولڈ چین کا تعین کرے گی اور ویکسین کے آخری مراحل تک لوازمات کا بھی تعین کرے گی۔
