معروف شاعر و ناظم اثر صدیقی کی تخلیقات، کاوشوں، غزلوں، حمد و نظم اور منفرد اشعار پر مبنی پہلی کتاب 'تقدیس' کا بیداری پبلیکیشن کے زیر اہتمام تقریب اجراء 5 جنوری 2020 بروز اتوار کی شب نو بجے حج ٹریننگ سینٹر ہال اسکول نمبر ایک میں منعقد کی گئی ہے۔
اس کتاب کا اجراء بدست جناب رشید احمد فیضی ہوگا اور اس تقریب کی صدارت ریاست گجرات کے مولانا محمد نذیر ابن اسماعیل فلاحی فرمائیں گے۔
اس تقریب اجراء کے موقع پر معروف شاعر و ناقد ڈاکٹر الیاس صدیقی مقابلہ پیش کریں گے۔ اسی طرح سے اثر صدیقی کی ادبی خدمات کے اعتراف کے لیے ماسٹر سعید کی جانب سے سپاس نامہ پیش کیا جائے گا۔
اس تقریب میں بطور مہمان خصوصی الحاج اسحاق سیٹھ ذر والا، رکن اسمبلی مفتی محمد اسماعیل قاسمی، سابق رکن اسمبلی آصف شیخ کو مدعو کیا گیا ہے۔ اس تقریب اجراء میں شہر کے تمام ہی شعراء، ادباء، قلمکاروں اور محب اردو داں کو بھی مدعو کیا گیا ہے۔
