ریاست مہاراشٹر کے دارالحکومت ممبئی سے متصل مسلم اکثریتی شہر ممبرا سے کورنٹائن کی مدت پوری کرنے والے تبلیغی جماعت کے 25 اراکین کو تھانے کرائم برانچ نے حراست میں لےکر کورٹ میں پیش کیا کورٹ نے سبھی کو ضمانت پر رہا کردیا ہے۔
لاک ڈاؤن کے دوران تبلیغی جماعت دہلی مرکز سے ممبرا آنے والے 21 غیر ملکی افراد اور4 مقامی شہریوں کو تھانے کرائم برانچ نے گرفتار کر ان کے خلاف ویزا خلاف ایکٹ، لاک ڈاؤن خلادف ورزی دفعہ 144 کے خلاف ورزی کرنے جیسی متعدد دفعات کے تحت معاملہ درج کر کورٹ میں پیش کیا جہاں کورٹ نے ان سبھی 25 افراد کو ضمانت پر رہا کردیا۔
ساتھ ہی انہیں تاکید کی کہ وہ سماعت مکمل ہونے تک ملک سے باہر نہیں جائیں گے۔ دہلی مرکز سے یہ سبھی افراد 10 مارچ کو ممبرا آئے تھے جس میں 13 بنگلہ دیشی اور 8 ملیشا کے شہری تھے۔
کورٹ کے حکم کے بعد انہیں ممبرا میں قائم کردہ قرنطین سینٹر میں پولیس کی نگرانی میں رکھا گیا ہے جب کہ ان کے پاسپورٹ پہلے سے ہی پولیس نے ضبط کر لیے ہیں۔
