ممبئی: ممبئی کے باندرہ ٹرمنس پر ایک مسلم لڑکے کو جے شری رام کے نعرے لگا کر پیٹنے والوں کو لیکر رکن پارلیمنٹ سپریہ سلے نے کہا کہ وزارت داخلہ اس معاملے میں پوری طرح ناکام ہو چکی ہے۔ ریاست کے مختلف علاقوں میں جس طرح جرائم میں مسلسل اضافہ ہو رہا ہے اسے دیکھنا چاہیے۔ میں نے کئی بار وزیر داخلہ امت شاہ کو بھی ٹویٹ کیا ہے۔ اور اس معاملے کے بارے میں یہ بھی کہا ہے کہ جس طرح سے منی پور اور دیگر مقامات پر کیسز ہو رہے ہیں انہیں مہاراشٹر کے حالات کا بھی جائزہ لینا چاہیے اور ایک میٹنگ کرنی چاہیے۔
آپ کو بتادیں کی مجلس کے سابق رکن اسمبلی وارث پٹھان نے ایک ویڈیو کے ساتھ ٹویٹ کر کے کارروائی کا مطالبہ کیا ہے جس میں باندرہ ٹرمینس پر ایک مسلم لڑکے کو کئی لوگ جے شری رام کے نعرے لگا کر پیٹ رہے ہیں۔ اس معاملے میں ریلوے پولیس جانچ کر رہی ہے۔ ریلوے پولیس متاثرہ لڑکے سے اب تک رابطہ قائم کرنے میں ناکام رہی ہے۔
مزید پڑھیں: ممبئی کے بانڈرہ ریلوے اسٹیشن پر جئے شری رام کے نعرے لگاکر ہجوم نے ایک شخص کو بری طرح پیٹا
واضح رہے کہ حال ہی میں ممبئی کے قریب پالگھر علاقے میں جے پور ممبئی ٹرین ایکسپریس میں ریلوے کے اہلکار نے اپنے سینیئر سمیت تین مسلم افراد پر فائرنگ کرکے انہیں ہلاک کردیا۔ ریلوے کانسٹبل نے مسلم نوجوانوں پر فائرنگ کے بعد کہا کہ اگر تمہیں یہاں رہنا ہے تو مودی اور یوگی کو ووٹ دینا ہوگا۔ ملک بھر میں ان دنوں مذہبی منافرت کے واقعات میں تیزی سے اضافہ ہوا ہے۔ ملک میں کئی مسلم نوجوانوں کو ہجومی تشدد کا نشانہ بنایا گیا۔
