ساونت نے ٹویٹ کر کے کہا 'میں مظاہرین کے ہند مخالف رویہ کی سخت مذمت کرتا ہوں۔ کشمیر بھارت کا اٹوٹ حصہ ہے اور مظاہرین کی ایسی حرکتیں برداشت نہیں کی جا سکتی۔'
وزیر اعلی نے ٹویٹ کے ساتھ ایک تصویر بھی شیئر کی جس میں ایک خاتون ہاتھ میں بینر پکڑے ہوئے دکھائی دے رہی ہے جس میں 'کشمیر آزاد کرو' لکھا ہے۔'
واضح رہے کہ مختلف طلباء تنظیموں کے سینکڑوں طلباء اور غیر سرکاری تنظیموں کے اعلیٰ رہنماؤں نے پیر کو ممبئی کے گیٹ وے آف انڈیا پر احتجاجی مظاہرہ کیا تھا ۔
اس دوران مظاہرین نے اتوار کی شام نئی دہلی میں جواہر لعل نہرو یونیورسٹی (جے این یو) کے احاطے میں شر پسند وں کی جانب سے طلباء اور اساتذہ پر حملے کی مخالفت میں مظاہرہ کیا تھا جس میں موجود لوگوں نے جے این یو واقعہ کی شدید مذمت کی تھی۔
