ممبئی کے شیواجی پارک اور متعدد علاقوں میں اپنی سائیکل پر لیمن ٹی فروخت Selling Lemon Tea On a bicycle کرنے والے عرفان علی کے کاندھے پر اپنے اہل خانہ کی ذمہ داری ہے۔ عرفان ممبئی کے دھاراوی علاقے میں اپنے اہل خانہ کے ساتھ رہتے ہیں۔ ان کے چار بھائی اور تین بہنیں ہیں۔ والد مستری کا کام کرتے ہیں۔ لیکِن اہل خانہ کی غربت کو دیکھتے ہوئے عرفان نے لیمن ٹی فروخت کرنے کا منصوبہ بنایا۔
گزشتہ چھ ماہ سے عرفان سائیکل پر لیمن ٹی فروخت کر رہے ہیں۔ عرفان اس کے ذریعے ایک دن میں تین سو سے چار سو روپیہ کما لیتے ہیں۔ عرفان کا خواب ہے کہ وہ اسی چائے کی چلتی پھرتی دوکان سے نہ صرف اپنے اہل خانہ کی کفالت کریں گے بلکہ اپنی بہنوں کی شادی بھی کریں گے۔ یہی سبب ہے کہ لیمن ٹی بیچنے کے اس پروفیشنل طریقے کے سبب عرفان پر ہر ایک کی نگاہیں جم جاتی ہیں۔ Lemon Tea Seller Irfan Ali
- یہ بھی پڑھیں: ممبئی: اسپائس جیٹ ایئرلائنز چائے فروش سبحان کو پائلٹ بنائے گی
- لاک ڈاون: ممبئی کے ننھے بچے نے اٹھائی خاندان کی ذمہ داری
- خبر کا اثر: ننھے سبحان کی مدد کے لئے پہنچے لوگ
غربت اور افلاس کے سائے میں ممبئی میں نہ جانے کتنے اہل خانہ اپنی زندگی گزارتے ہیں لیکن ان میں سے عرفان جیسے کئی گدڑی کے لال ایسے ہیں، جو کسی کے سامنے ہاتھ پھیلانا گوارا نہیں کرتے، یہی سبب ہے کہ وہ محنت ومشقت کو فوقیت دیتے ہیں۔ Story Of Lemon Tea Seller Irfan Ali
