ریاست مہاراشٹر میں قومی شاہراہوں پر کام انتہائی سست رفتاری سے جاری ہے۔ اس شاہراہ کی تعمیر کے لیے بہت سی مشکلات درپیش ہیں۔
ان مسائل کو حل کرنے کے لیے ڈویژنل کمشنر کی سربراہی میں ایک کمیٹی تشکیل دی جائے اور اسی کے ساتھ ہی مرکزی حکومت ریاست میں قومی شاہراہوں پر کام میں تیزی لانے کے لیے 20 ہزار کروڑ روپے کی فراہمی کرے۔ اس طرح کا مطالبہ وزیر تعمیرات عامہ اشوک راؤ چوان نے مرکزی وزیر ٹرانسپورٹ نتن گڈکری سے کیا۔
مرکزی روڈ ٹرانسپورٹ کے وزیر نتن گڈکری نے دہلی سے ویڈیو کانفرنسنگ کے ذریعے ملک کے مختلف ریاستوں کے وزرائے اعلی، نائب وزرائے اعلیٰ اور سکریٹریوں سے بات چیت کی۔
ریاست مہاراشٹر کی جانب سے وزیر تعمیرات عامہ اشوک راؤ چوان نے ویڈیو کانفرنسنگ کے ذریعے اس مباحثے میں حصہ لیا۔ انہوں نے قومی شاہراہوں کی تعمیر میں ہونے والی مختلف پریشانیوں اور مشکلات سے بھی آگاہ کیا۔
ریاست میں قومی شاہراہوں پر کام تیزی سے جاری ہے۔ لیکن بہت سے ٹھیکیدار وقت پر کام نہیں کر رہے ہیں جس کی وجہ سے گاڑیوں کی آمد و رفت رک جاتی ہے۔ وزیر تعمیرات عامہ اشوک راؤ چوان نے مطالبہ کیا ہے کہ جو ٹھیکیدار مقررہ مدت میں کام نہیں کر رہے ہیں ان کے کام منسوخ کر دیئے جائیں اور انہیں بلیک لسٹ کیا جائے۔
انہوں نے مطالبہ کیا کہ ریاست میں قومی شاہراہوں کے کام کو تیز کرنے اور ہونے والی پریشانیوں کے حل کے لیے ڈویژنل کمشنر کی سطح پر ایک کمیٹی تشکیل دی جائے۔
انہوں نے مطالبہ کیا کہ مہاراشٹر میں انکلیشور چوپڑا، برہان پور، دیوارئی، شیو گاؤں نیواسا، سنگمنیر، کولہا پور، مہابلیشور، شرور، ساگری روڈ، کھول، علی باغ، رتناگری، وینگورلا، ریڈی، گوا کی سڑکوں کو قومی شاہراہ تسلیم کیا جائے۔
