ممبئی: بیٹے نے ماں سمیت تین لوگوں پر حملہ کیا

زخمیوں کے رشتہ دار مرتضی اقبال بروڑا والا نے کہا کہ یہ معاملہ پراپرٹی سے جڑا ہوا ہے۔ ملزمین متاثرین کے بیٹے اور پوتے پوتی ہیں اور ملزمین متاثرین کی پراپرٹی پر قابض ہونا چاہتے ہیں۔ اس لئے اُن لوگوں نے مار پیٹ کی۔

ریاست مہاراشٹر کے ممبئی سے متصل میرا روڈ علاقے میں ایک بیٹے نے اپنی 84 برس کی ماں کو پیٹ کر زخمی کر دیا۔

اطلاعات کے مطابق کاشی میرا پولیس تھانے علاقے میں ایک 84 برس کی ماں کلثوم ٹنکیوالا سمیت 3 لوگوں کو اُن کے بیٹے اور بہو نے پیٹ کر زخمی حالات میں لوٹس ہسپتال میں داخل کرایا۔

کاشی میرا پولیس نے اس معاملے میں چار لوگوں کے خلاف ایف آئی آر درج کر کارروائی شروع کر دی ہے۔ اس معاملے پر سینیئر پی آئی کاشی میرا نے کہا ہے کہ معاملے میں زخمیوں کا اعلاج کرایا جا رہا ہے، جلد ہی ملزمین کو گرفتار کر لیا جائےگا۔

وہیں زخمیوں کے رشتہ دار مرتضی اقبال بروڑا والا نے کہا کہ یہ معاملہ پراپرٹی سے جڑا ہوا ہے۔ ملزمین متاثرین کے بیٹے اور پوتے پوتی ہیں۔ اور ملزمین متاثرین کی پراپرٹی پر قابض ہونا چاہتے ہیں۔ اسلئے اُن لوگوں نے مار پیٹ کی۔