شیوسینا کے رہنما و رکن پارلیمان سنجے راوت نے کہا کہ جو باتیں وزیر اعظم کہہ رہے ہیں اس کے باوجود اگر آپ کا وزیر استعفی دیتا ہے تو کچھ گڑبڑی ہے۔ میڈیا سے بات کرتے ہوئے سنجے راوت نے کہا کہ وزیر اعظم جو بات کہہ رہے ہیں اگر اس کے بعد بھی کوئی وزیر استعفی دیتا ہے تو کچھ تو بات ہے۔
انہوں نے کہا کہ 'ہم نے این ڈی اے نہیں چھوڑا وہ جھوٹ کی سیاست کر رہے تھے جس کی وجہ سے ہم مجبور ہو گئے تھے۔ ہم دونوں تو سب سے پرانے ساتھی تھے۔ باقی تو پیئنگ گیسٹ ہیں۔'
زراعت بل پر سنجے راوت نے کہا کہ این ڈی اے کو زراعت بل پر بحث کرنی چاہئے تھی اگر سبھی پارٹیوں کو چھوڑ بھی دیں تو زراعت سیکٹر سے جڑا اہم فیصلہ لیتے وقت کم ازکم اسٹریٹیجک بحث کرنی چاہیئے تھی مگر اس بل پر کوئی بات نہیں ہوئی ۔ سبھی لوگ کہہ رہے ہیں کہ اس سے کسانوں کو نقصان ہو گا۔
