ممبئی: شیو سینا، ادھو ٹھاکرے نے منگل کو مہاراشٹر م قانون ساز اسمبلی کے اسپیکر راہل نارویکر کے ایکناتھ شندے کی قیادت والے گروپ کو حقیقی شیو سینا کے طور پر تسلیم کرنے کے فیصلے پر سوال اٹھایا اور اس طرف اشارہ کیا کہ ایک قانون ساز پارٹی کس طرح زیادہ اہم ہے کہ سیاسی پارٹی فریقین سے متعلق معاملات پر فیصلہ کرنا،جبکہ سپریم کورٹ سے بھی رجوع کیاگیاہے۔
واضح رہے کہ اس فیصلہ پر غور کرنے کے لیے ادھو نے ممبئی میں ورلی کے اسپورٹس کلب آف انڈیا کے وسیع ہال میں ایک عوامی عدالت سے خطاب کیا – جہاں ان کے خاندان کے افراد اور اعلیٰ قیادت موجود تھی۔
انہوں نے کہاکہ "اگر ریکارڈ میں میں صدر نہیں ہوں تو مجھے کس حیثیت میں 2014 اور 2019 میں وزیر اعظم نریندر مودی کی حمایت کے لیے بلایا گیا تھا (بی جے پی کی قیادت والی این ڈی اے کے انتخابات جیتنے کے بعد)۔ فڑنویس 2014 میں وزیر اعلیٰ بنے تھے۔انہوں نے کس کی حمایت حاصل کی تھی ۔"
انہوں نے کہاکہ "یہ مہاراشٹر کی سرزمین ہے، جہاں ہمارے پاس رام شاستری پربودھن اور ڈاکٹر باباصاحب امبیڈکر جیسے لیجنڈ تھے، جو جمہوریت کے لیے کھڑے تھے… لیکن بدقسمتی سے اسی مہاراشٹر سے جمہوریت کا قتل ہو رہا ہے،‘‘ ادھو نے مزید کہاکہ "آئینی ماہر اور ٹھاکرے کے وکیل عاصم سرودے اور روہت شرما نے الگ الگ پیشکشیں دی ہیں۔
کانفرنس میں ادھو کو پارٹی صدر بنائے جانے پر ویڈیو پریزنٹیشن کی گئی، جس میں کچھ سال پہلے، جس میں شندے اور نارویکر، جو اس وقت شیو سینا کے ساتھ تھے، موجود تھے۔
سرودے نے اسپیکر کے حکم پر شدید تشویش کا اظہار کیا اور کہا کہ یہ صرف پارٹی کے درمیان جھگڑے کے بارے میں نہیں ہے، بلکہ ملک میں "جمہوریت اور آئین کے لیے بہتر نہیں ہے۔ انہوں نے یہ بھی کہا کہ اسپیکر راہل نارویکر نے ایم ایل اے کی نااہلی کے معاملے پر اپنے فیصلے میں سپریم کورٹ کی ہدایات پر عمل نہیں کیا، جوکہ عدالت عظمیٰ کی سنگین توہین کا ارتکاب کیا ہے۔
اسپیکر کے 10 جنوری کے فیصلے کو عملی طور پر تنقیدکانشانہ بناتے ہوئے، سرودے نے اس کا تجزیہ کیا اور نارویکر پر تاخیری حربوں اور آخرکار سیاسی مقاصد کے ساتھ اپنا فیصلہ سنانے کا الزام لگایا۔ شیو سینا یو بی ٹی نے اسپیکر کے فیصلے پر سوال اٹھایا۔
یو این آئی
