مہاراشٹر کے پربھنی سے شیوسینا کے رکن پارلیمان سنجے جادھو نے لوک سبھا کی رکنیت سے استعفی دیتے ہوئے کہا ہے کہ وہ اپنے علاقے کے پارٹی کارکنوں کے ساتھ انصاف کرنے سے قاصر ہیں۔
جادھو نے اپنا استعفیٰ پارٹی کے سربراہ اور مہاراشٹر کے وزیر اعلیٰ ادھو ٹھاکرے کو بھیج دیا ہے۔
سنجے جادھو نے خط میں لکھا کہ 'اگر میں اپنے علاقے میں شیوسینا کارکنوں کے ساتھ انصاف کرنے سے قاصر ہوں تو مجھے پارٹی کا رکن پارلیمان بننے کا کوئی حق نہیں ہے لہذا براہ کرم میرا استعفیٰ قبول کریں۔'
جادھو نے کہا کہ وہ ضلع پربھنی میں جنتور زرعی پیداوار مارکٹ کمیٹی (اے پی ایم سی) کے غیر سرکاری منتظم کی تقرری پر ناخوش ہیں۔
انہوں نے کہا کہ 'میں گذشتہ 8-10 ماہ سے پربھنی میں جنٹور اے پی ایم سی کے ایڈمنسٹریٹر کی تقرری کے معاملے پر عمل پیرا ہوں۔ اب این سی پی کے ایک فرد کو غیر سرکاری ایڈمنسٹریٹر مقرر کیا گیا ہے اور یہ شیوسینا کارکنوں کی توہین ہے۔'
سنجے جادھو وزارت زراعت اور کسانوں کی بہبود کے لیے مشاورتی کمیٹی کے رکن بھی ہیں۔
