مہاراشٹر میں اسمبلی انتخابات کا بگل بج چکا ہے اور تمام پارٹیوں نے اس کے لیے اپنی کمر کس لی ہے اور اس کے ساتھہی سیٹوں کی تقسیم کو لے کر سبھی پارٹیاں ایک دوسرے سے جوڑ توڑ کررہی ہیں۔
اس تعلق سے آج کلیان شہر میں پارٹی سے ناراض شیوسینا کے 26 کارپوریٹرز اور 300 پارٹی کارکنان نے آج پارٹی کے صدر اددھو ٹھاکرے کو اپنی استعفی بھیجا ہے۔
واضح رہے کہ شیوسینا کے تمام امیدوار اور کارپوریٹرز ریاست کے اسمبلی انتخابات کے مد نظر امیدواروں اور سیٹوں کی تقسیم کو لے کر خوش نہیں تھے۔
اسی وجہ سے شیوسینا کے باغی امیدوار سنجے بڈولے کی حمایت میں تمام کارپوریٹرز اور کارکنان نے آج پارٹی سے استعفی دے دیا۔
خیال رہے کہ الیکشن کمیشن نے مہاراشٹر میں ایک مرحلے میں ہونے والی اسمبلی انتخابات کی ووٹنگ 21 اکتوبر کو ہونی ہے اور اس کے نتائج 24 اکتوبر کو ظاہر کیے جائیں گے۔
