'شرد پوار کو معلوم ہے کہ بی جے پی زیادہ قابل اعتماد ہے'

بہار کے نائب وزیر اعلی سشیل کمار مودی نے مہاراشٹر میں دیویندر فڑنویس کی قیادت میں حکومت بننے پر مبارک باد دیتے ہوئے کہا کہ نیشنلسٹ کانگریس پارٹی کے رہنما شرد پوار کو نتیش کمار کی طرح پتہ ہے کہ بھارتیہ جنتا پارٹی کانگریس سے زیادہ قابل اعتماد ہے۔

بی جے پی کے سینئر رہنما سشیل مودی نے فڑنویس کی قیادت میں مہاراشٹر میں حکومت بننے پر ٹویٹ کر کے کہا کہ بہار کے وزیر اعلی نتیش کمار کی طرح شرد پوار کو بھی پتہ ہے کہ بی جے پی، کانگریس سے زیادہ قابل اعتماد ہے۔

شیوسینا، راشٹریہ جنتا دل (آر جے ڈی) کی طرح ہے۔ شیوسینا یا آر جے ڈی جیسی پارٹیاں، جس میں ایسے لوگوں کی بھرمار ہے جن کے ساتھ مل کر کام کرنا مشکل ہے۔

سشیل مودی نے ایک اور ٹویٹ میں کہا کہ اب شیوسینا کے چانکیہ سنجے راوت کے ٹویٹ کا انتظار ہے۔