ریاست مہاراشٹر کے وردھا میں پیش آئے ایک خوفناک سڑک حادثے میں رکن اسمبلی کے بیٹے سمیت میڈیکل کے سات طلبہ کی موت ہوگئی۔ یہ حادثہ کار کے پُل کے نیچے گرنے سے پیش آیا۔ BJP MLA Son Killed in Wardha Car Accident
یہ حادثہ وردھا ضلع کے سیلسورہ علاقے میں ایوت محل روڈ پر دیر رات تقریباً 1:30 بجے پیش آیا۔ جانکاری کے مطابق ایک زائیلو کار دیولی سے وردھا جا رہی تھی۔ کار جب پل پر پہنچی تو اچانک غیر متوازن ہو گئی اور پل کے نیچے جا گری۔
کار میں میڈیکل کے طلبہ کہیں جا رہے تھے۔ بتایا جا رہا ہے کہ کار بہت تیز رفتاری سے چل رہی تھی اور غیر متوازن ہونے کے بعد پل سے تقریباً 50 فٹ نیچے گر گئی۔ اس حادثے میں کم از کم سات افراد ہلاک ہو گئے ہیں۔ Seven medical student Dies In Wardha Car Accident
یہ بھی پڑھیں: Road Accident in Nizamabad: نظام آباد میں سڑک حادثہ، دونوجوان ہلاک
ابتدائی معلومات کے مطابق ہلاک ہونے والے سبھی ساؤنگی کے ایک میڈیکل کالج کے طلبہ ہیں۔ اس حادثے میں گوندیا ضلع کے ترودا رکن اسمبلی وجے رہانگدالے کے بیٹے کی بھی موت ہوئی ہے۔ حادثے میں کار میں سوار تمام سات افراد کی موقع پر ہی موت ہو گئی۔
