اورنگ آباد: مہاراشٹر کابینہ میں اورنگ آباد شہر کا نام تبدیل کرنے کا فیصلہ کیا گیا جس کے بعد اورنگ آباد میں نام کی تبدیلی کے خلاف مسلم تنظیموں کی جانب سے کئی جگہوں پر احتجاج کیے جا رہے ہیں۔ اس دوران سوشل ڈیموکریٹک پارٹی آف انڈیا نے بھی اپنا احتجاج درج کروایا اور کہا کہ شہر کا نام تبدیلی معاملے میں قانونی مدد لی جائے گی۔ ساتھ ہی کہا گیا کہ ایس ڈی پی آئی قانونی راستے سے اس فیصلے کو چلینج کرے گی۔ سابقہ ادھو ٹھاکرے حکومت پر غیر آئینی فیصلہ کرنے کا الزام بھی لگایا گیا۔ SDPI Protest Against Name Change in Aurangabad
سوشل ڈیمو کریٹک پارٹی آف انڈیا نے اورنگ آباد نام تبدیلی معاملے کی ہر محاذ پر مخالفت کرنے اور قانونی راستے سے اس فیصلے کو چلینج کرنے کا اعلان کیا ہے، اس سلسلے میں ایس ڈی پی آئی کے نوجوانوں نے روشن گیٹ علاقے میں احتجاجی مظاہرہ کیا اور سابقہ ادھو ٹھاکرے حکومت کی شدید مذمت کی ، ایس ڈی پی آئی کے کارکنوں کا کہنا ہیکہ حکومت نے اپنی ساکھ بچانے کے لیے آخری لمحوں میں فرقہ پرستی کا ثبوت دیا ہے ، لیکن ایس ڈی پی آئی دستور ہند کی روشنی میں اس کا مقابلہ کرے گی۔ Aurangabad Name Change Controversy
یہ بھی پڑھیں:
