مہاراشٹر حکومت نے ریاست کی اسکولوں کو 23 نومبر سے جاری کرنے کا فیصلہ کیا تھا لیکن کورونا کے مریضوں کی تعداد میں اضافہ کی وجہ سے ناسک ضلع میں آئندہ برس 4 جنوری تک اسکولوں کو نہ کھولنے کا فیصلہ کیا گیا۔
ناسک ضلع کے وزیر خوراک چھگن بھجبل، ضلع کلکٹر، کمشنر، پولس حکام اور ڈیزاسٹر مینجمنٹ ڈپارٹمنٹ کی ہنگامی میٹنگ میں فیصلہ لیا گیا کہ ناسک ضلع کی تمام اسکولوں و کالج 4 جنوری تک بند رہیں گے۔
کورونا وبا کے اثرات کو دیکھتے ہوئے صرف آن لائن ایجوکیشن کا سلسلہ جاری رکھنے کا فیصلہ کیا گیا ہے۔
'مہاراشٹر میں لو جہاد جیسا قانون بنانے کی ضرورت نہیں'
واضح رہے ریاستی حکومت نے 23 نومبر سے تعلیمی اداروں کو کھولنے کا اعلان کیا تھا تاہم اس کی ذمہ داری ضلع انتظامیہ کو سونپی گئی جس کے بعد شہر اور مضافات میں کورونا وبا کو نظر میں رکھتے ہوئے یہ فیصلہ کیا گیا۔
سرکاری حکام نے بتایا کہ مستقبل قریب میں حالات کا دوبارہ جائزہ لیا جائے گا اور اس سلسلہ میں مناسب فیصلہ کیا جائے گا۔
