ریلائنس انڈسٹریز کے مالک اور ملک کے سب سے بڑے صنعت کار مکیش امبانی نے پیر کو کمپنی کی برلا ماتوشری میٹنگ ہال میں 42 ویں عام میٹنگ سے خطاب کرتے ہوئے کہا کہ سعودی عرب کی کمپنی اریمکو 75ارب ڈالر کی سرمایہ کاری ریلائنس انڈسٹریز کے کیمیکل کے کاروبار میں کرے گی۔ اریمکو ریلائنس کو خام تیل کی سپلائی کرے گی۔
امبانی نے بتایا کہ دونوں کمپنیوں کے درمیان ہوئی اس سرمایہ کاری کے تحت ریلائنس کے تیل اور کیمیکل کے کاروبار کے ڈیویژن میں اریمکو آئل کو 20 فیصد حصہ دیا جائےگا۔ انہوں نے کہا کہ ریلائنس کے لیے سب سے بڑی اور ملک کے لیے ایک بڑی غیر ملکی سرمایہ کاری ہے۔
امبانی نے گفتگو میں آگے کہا کہ 'ہمارے وزیراعظم کا مقصد بھارت کی معیشت 2022 تک 5 ٹریلین ڈالر بنانے کا ہے۔اصل میں مجھے لگتا ہے 2030 تک بھارت کی معیشت 10 ٹریلین کی ہو جائیگی۔ معیشت میں دھیمی رفتار وقتی طور پر ہے۔ بھارت کے معیشت کی بنیاد بہت مضبوط ہے۔'
انہوں نے کہا کہ بھارت اب 'نئے بھارت' میں تبدیل ہو رہا ہے، اسی طرح ریلائنس بھی اب 'نیو رلائنس' میں بدل ربا ہے۔
