مہاراشٹر کے مسلم اکثریتی شہرمالیگاؤں کی معروف شاہراہ آگرہ روڈ تاج ہوٹل کے پاس جمعیت علماء( سیلمانی چوک) کی جانب سے سدبھاؤنامنچ کے تحت آگرہ سے رائے گڑھ جانے والی ریلی کا مدارس کے طلباء وعلماء كے ساتھ ساتھ عام لوگوں نےبھی پھولوں سے استقبال کرتے ہوئے ہندو مسلم اتحاد کا پیغام دیا۔ Sadbhavana Manch organise peace rally in malegaon maharashtra
اس تعلق سے جمعیت علماء (سیلمانی چوک) کے رکن ناصر جمال نے نمائندے ای ٹی وی بھارت کو بتایا کہ آج ہی کے دن شیواجی مہاراج آگرہ سے اورنگ زیب کی جیل سے رہا ہوکر رائے گڑھ پہنچے تھے۔اسی مناسبت سے آگرہ سے رائے گڑھ کیلئے ایک ریلی نکالی گئی۔ جس کا جمعیت علماء (سیلمانی چوک) اور لوک سیوا تنظیم کی جانب سے استقبال کیا گیا۔
یہ بھی پڑھیں:Covid Cases in Mumbai مہاراشٹر میں کورونا انفیکشن کے 1943 نئے معاملے، پانچ اموات
اس موقع پر موجود لوک سیوا تنظیم کے صدر اعجاز سر نے ملک کی میڈیا کو مخاطب کرتے ہوئے کہا کہ اگر میڈیا صحیح اور غیر جانبداری طریقے سے اپنے کام کو انجام دے تو اس ملک سے نفرت کی آگ آج ہی بجھ جائے گی۔ اور جب کل تاریخ لکھی جائے گی تو مسلمانوں کا نام آگ لگنے والوں میں سے نہیں بلکہ آگ بجھانے والوں میں لکھا جائے گا۔
