اس حادثے میں زخمیوں کو مقامی ہسپتال میں داخل کرایا گیا ایک شخص کو تھانے کے پرائیویٹ ہسپتال میں منتقل کیا گیا ہے بھیونڈی پولیس معاملہ درج کرکے تفتیش کررہی ہے۔
بھیونڈی : سڑک حادثے میں چار افراد شدید زخمی
پولیس ذرائع سے موصولہ اطلاعات کے مطابق بھیونڈی کے مضافات میں واقع لکھیولی گاؤں میں رہائش پذیر ادیش پوار 20 سنیچر کی شام موٹر سائیکل سے بھیونڈی آرہا تھا اسی درمیان بھیونڈی پاورول شاہراہ پر تیز-رفتار آٹو رکشا سے ٹکر ہوگئی جس میں آٹو ڈرائیور جناردن پاٹل 52، چندرکلا رسال 40 اور کرن پاٹل 12 برس نامی طالبہ شدید طور سے زخمی ہوگئے۔
فوری علاج کے دوران معلوم ہواکہ کرن پاٹل کا پیر فریکچر ہوگیا ہے اور اسے بے ہوشی کی حالت میں تھانے کے نجی ہسپتال میں منتقل کرایا گیا ہے اطلاع موصول ہوتے ہی نظام پورہ پولیس کی ٹیم موقع پر پہنچ کر کے معائنہ کرتے ہوئے معاملہ درج کر تفتیش شروع کردیا ہے۔
