گھاٹی اسپتال کے رہائشی ڈاکٹروں کا کہنا ہے کہ وہ اپنی ڈیوٹی 24 گھنٹے ساتوں دن کرتے ہیں لیکن آج صورتحال ایسی ہوگئی ہے کہ ان کے بینک اکاؤنٹ میں پیسے نہیں ہیں۔
رہائشی ڈاکٹروں نے بتایا ہے کہ کچھ رہائشی ڈاکٹر ایسے بھی ہیں جن پر ان کا گھر منحصر ہے تو وہیں گھاٹی اسپتال کے 400 سے زائد رہائشی ڈاکٹر ہڑتال پر ہیں۔
رہائشی ڈاکٹروں کا کہنا ہے کہ کورونا وبا کے پیش نظر کووڈ وارڈ کے رہائشی ڈاکٹر اپنی ڈیوٹی انجام دے رہے ہیں۔
یہ بھی پڑھیں: تبلیغی جماعت کو قربانی کا بکرا بنایا گیا: ممبئی ہائیکورٹ کا تاثر
ان رہائشی ڈاکٹروں نے اسپتال کے ڈین کو گزشتہ 14 دن پہلے ہی اسٹے فنڈ کے بارے میں بتایا تھا جس کے بعد ڈین نے رہائشی ڈاکٹروں کو یقین دلایا تھا کہ جلد ہی ان کے اسٹے فنڈ کی رقم بینک ان کے اکاؤنٹ میں آ جائے گی لیکن اب تک اکاؤنٹ میں پیسے نہیں آئے ہیں۔
رہائشی ڈاکٹروں کا کہنا ہے کہ وہ اس وقت تک اپنی ہڑتال جاری رکھیں گے جب تک کہ اسٹے فنڈ نہیں مل جاتا، اگر کوئی ایمرجنسی آئے تو یہ ڈاکٹر ایمرجنسی میں کام کرنے کے لئے تیار ہیں۔
