ماہ رمضان المبارک کے پیش نظر لاک ڈاؤن میں روزہ داروں کے لیے مختلف اوقات میں خریداری کے لیے چھوٹ دی گئی ہے۔ یہ اعلان پرانت آفیسر وجے آنند شرما نے کی۔
پرانت آفیسر نے کہا کہ 'شام پانچ بجے کے بعد کسی بھی قسم کی کوئی خرید و فروخت نہیں ہوگی۔ دئیے گئے وقت کے مطابق شہر میں ٹھیلہ گاڑیوں سے ہی پھل فروٹ فروخت ہونگے۔
انہوں نے کہا کہ 'مالیگاؤں شہر میں کورونا وائرس کی بیماری تیزی سے پھیل رہی ہے جو کہ ہمارے لیے مزید خطرہ کی گھنٹی ہے۔ اگر ہم نے احتیاط نہیں کی تو ہمارے لیے مزید مشکلات درپیش ہوگی۔ انہوں نے یہ پیغام ویڈیو کے ذریعہ شیئر کیا۔
انہوں نے مسلمانوں کو رمضان کی مبارکباد دیتے ہوئے اپیل کی کہ 'عوام اپنے گھروں میں رہیں، بہت ضروری اشیاء کی خریداری کے لیے یا پھر میڈیکل اور دواخانے کے لیے ہی اپنے گھروں سے باہر نکلیں، بلا ضرورت سڑکوں اور بازاروں میں نہ جائیں۔ احتیاط برتیں اور محفوظ رہیں۔
