وی بی اے نے آئندہ اسمبلی انتخابات کے لیے اے آئی ایم آئی ایم کو کُل آٹھ سیٹوں پر الیکشن لڑنے کی تجویز دی تھی جس کی وجہ سے اے آئی ایم آئی ایم نے لوک سبھا الیکشن میں دونوں پارٹیوں کے درمیان ہونے والے اتحاد کو توڑ دیا تھا۔
امتیاز جلیل ایک پروگرام میں حصہ لینے یہاں آئے تھے۔ ایک سوال کے جواب میں انہوں نے کہا کہ وی بی اے نے دو ماہ پہلے اے آئی ایم آئی ایم سے اسمبلی الیکشن لڑنے والے امیدواروں کی فہرست کا مطالبہ کیا تھا جس پر پارٹی نے 98 افراد کی فہرست دی تھی لیکن پرکاش امبیڈکر ہمیں محض آٹھ سیٹیں دے رہے تھے جس کے سبب اتحاد ٹوٹ گیا تھا۔
انہوں نے کہا کہ اگر پرکاش امبیڈکر چاہیں گے تو ہم دوبارہ گفتگو کریں گے لیکن انھیں سیٹوں کی تقسیم کی تجویز پر دوبارہ غوروخوض کرکےہمیں کچھ زیادہ سیٹیں دینی ہوں گی۔
اورنگ آباد میں سڑک، پانی سمیت دیگر مسائل کے لیے اے آئی ایم آئی ایم، شیوسینا اور بھارتیہ جنتا پارٹی (بی جے پی) کو ذمہ دار مانتی ہے۔ انہوں نے کہا کہ شیوسینا۔بی جے پی گذشتہ 25 برس سے اورنگ آباد میونسپل پر قابض ہیں۔
