رشمی ٹھاکرے کا باڈی گارڈ بھی کورونا سے متاثر

عالمی وبا کورونا وائرس سے متاثر ہونے والوں کی تعداد میں مسلسل اضافہ جاری ہے، اسی ضمن میں رشمی ٹھاکرے کے سکیورٹی گارڈ بھی کورونا سے متاثر ہوگئے ہیں۔

ریاست مہاراشٹر کے دارالحکومت ممبئی میں کورونا کے مریضوں کی تعداد دن بدن بڑھتی جارہی ہے، کچھ دن پہلے ریاست کے وزیراعلیٰ ادھو ٹھاکرے کے بیٹے تیجس کے دو سکیورٹی گارڈ کورونا سے متاثر پائے گئے تھے۔ اب رشمی ٹھاکرے کے سکیورٹی گارڈ بھی کورونا مثبت پائے گئے ہیں۔

سکیورٹی گارڈ کی کووڈ-19 کی دو دن قبل جانچ کی گئی تھی جس کی رپورٹ مثبت آئی ہے۔

واضح رہے کہ جو بھی ان دونوں سکیورٹی گارڈز کے رابطہ میں آیا تھا ان سے بھی تفتیش کی جارہی ہے، اس سے قبل ماتوشری کے احاطے میں کچھ پولیس اہلکار کورونا سے متاثر تھے۔

قابل ذکر ہے کہ احتیاطی تدابیر کے طور پر وزیراعلیٰ ادھو ٹھاکرے پچھلے کچھ مہینوں سے خود ہی گاڑی چلارہے ہیں۔