اورنگ آباد: اورنگ آباد کی چرماکر برادری عصمت ریزی اور قتل کے سلسلسہ میں کرانتی چوک پر جمع ہوئی اور مطالبہ کیا کہ دو اپریل کو شہر کے چکل تھانہ میں چرماکر برادری کی ایک خاتون کے ساتھ اجتماعی عصمت دری اور بے دردی سے قتل کرنے والے ملزمین کو پھانسی کی سزا دی جائے اور متاثرہ خاندان کو 25 لاکھ روپے کی امداد دی جائے اس طرح کا مطالبہ ریاستی حکومت سے کیا گیا اس دوران مقررین نے شدید رد عمل کا اظہار کیا اور ملزمین کے خلاف سخت کارروائی کرنے کا مطالبہ کیا۔ پولیس کی اجازت نہ ملنے پر کینڈل مارچ روک دیا گیا تھا لیکن مہاراشٹر قانون ساز کونسل اپوزیشن لیڈر امباداس دانوے کے کہنے پر شہر کے کرانتی چوک علاقے میں خراج عقیدت پیش کی گئی۔ اس مورچہ میں مقتولہ کا شوہر، دو بیٹیاں، ایک بیٹی اور خود مہاراشٹر قانون ساز کونسل میں اپوزیشن لیڈر امباداس دانوے نے شرکت کی اور مقتولہ کے فوٹو کے سامنے شمعیں روشن کیں۔
اس دوران انہوں نے مطالبہ کیا کہ جس طرح ملزمان نے عصمت دری اور قتل کیا ہے اس سبھی قاتلوں کو سخت ترین سزائے موت دی جائے انہوں نے یہ بھی یقین دلایا کہ وہ متاثرہ خاندان کی مالی مدد کرنے کی کوشش کریں گے۔ کرانتی چوک میں واقع اس کینڈل مارچ میں کثیر تعداد میں لوگ شامل ہوئے اور اپنے جذبات کا اظہار کیا سب کا مطالبہ ہے کہ قاتلوں کو کڑی سے کڑی سزا دی جائے ساتھ ہی یہ مطالبہ کیا گیا کہ حکومت متاثرہ خاندان کے بچوں کی تعلیم کے اخراجات برداشت کرے، خاندان کے ایک فرد کو سرکاری نوکری اور مکان فراہم کیا جائے اس دوران احتجاج میں شامل لوگوں کے ہاتھوں میں پلے کارڈز بھی نظر آئے۔
یہ بھی پڑھیں:
