احتجاج کرنے والوں کا کہنا ہے کہ کورونا وبا کے دوران تعلیمی اداروں کے وجود پر سوالیہ نشان کھڑا ہوگیا ہے کیوں کہ گزشتہ دو سالوں سے کورونا وبا کی وجہ سے تعلیمی ادارے بند ہیں۔
کورونا وبا نے تعلیمی اداروں کی بقا پر سوالیہ نشان لگادیا ہے، پرائیویٹ تعلیمی اداروں کے ذمہ داران اب اپنے مطالبات کو لیکر راستے پر اترے ہیں۔
اورنگ آباد میں سینکڑوں اسکولوں کے ذمہ داروں نے ڈیویژنل کمشنر آفس کے روبرو انوکھے انداز میں احتجاج کیا اور ڈیویژنل کمشنر کو مختلف مطالبات پر مبنی میمورنڈم سونپا۔
یہ بھی پڑھیں: مالیگاؤں: مدارس پر کورونا وبا کے بُرے اثرات
اس موقع پر سوسائٹی مالکان کا کہنا ہے کہ پچھلے چار سال سے ریاستی حکومت کی جانب سے آر ٹی ای کے تحت تعلیم حاصل کرنے والے بچوں کو معاوضہ نہیں مل پایا ہے، ایک طرف کورونا وبا اور دوسری طرف حکومت کی سرد مہری سے اسکولوں کا مستقبل خطرے میں پڑ گیا ہے۔
