سانپ نے بکری کو ہلاک کردیا

مہاراشٹر کے ضلع امراوتی کے ایک گاؤں میں خاتون چرواہا اپنی بکریوں کو جنگل میں گھاس چرانے لے گئی تھی لیکن جب وہ گھر آئی تو اس نے دیکھا کہ اس کی ایک بکری کم ہے۔

خاتون اپنی بکری کو ڈھونڈنے کے لیے جنگل کی جانب روانہ ہوگئی جب وہ اس مقام ہر پہنچی جہاں وہ اپنی بکریاں چرانے لے گئی تھی، وہاں پر ایک بڑے سانپ نے اس بکری کو جکڑ رکھا تھا۔

حالانکہ خاتون اور اس کے اہلخانہ نے بکری کو سانپ سے بچانے کی بہت کوشش لیکن تب تک بکری مرچکی تھی۔

اس واقعہ کی اطلاع فورأ محکمۂ جنگلات کو دی گئی، محکمہ کے افسران نے سانپ کو پکڑ کر اسے دور دراز کے جنگل میں چھوڑ دیا۔

اس واقعہ کو دیکھنے کے لیے کافی لوگوں کی بھیڑ اکٹھا ہوگئی تھی۔