اورنگ آباد: ریاست مہاراشٹر کے اورنگ آباد میں بابری مسجد شہادت کی برسی پر عوامی جلسے کا اہتمام کیا گیا۔ اس دوران مسلم نمائندہ کونسل کے اجلاس میں اکابرین ملت نے بابری مسجد کی شہادت اور حالات حاضرہ پر تفصیلی روشنی ڈالی۔ اس موقع پر بابری مسجد کی بازیابی کے لیے جدوجہد کرنے اور ملک میں قانون کی حکمرانی کو یقینی بنانے کا عزم کیا گیا۔ بابری مسجد کی شہادت کی برسی کی مناسبت سے شہر اورنگ آباد میں جلسہ شہادت بابری مسجد منعقد کیا گیا۔ مسلم نمائندہ کونسل کی قیادت میں ہوئے اس اجلاس میں اکابرین ملت نے بابری مسجد کی شہادت، سپریم کورٹ کے فیصلے اور حالات حاضرہ پر تفصیلی روشنی ڈالتے ہوئے کہا کہ ہم بابری مسجد کی شہادت کو کبھی بھول نہیں سکتے۔
یہ بھی پڑھیں:
Babri Masjid Demolition Anniversary بابری مسجد کا فیصلہ ہوا، انصاف نہیں، اے ایم یو طلبہ
مسلم نمائندہ کونسل کے سابق صدر ضیاء الدین صدیقی نے اپنے خطاب میں بابری مسجد کے معاملے کو مسلمانوں کے عقیدے پر حملے سے تعبیر کیا۔ ان کا کہنا ہے کہ مسلمان سب برداشت کرسکتا ہے لیکن عقیدے کے معاملے میں کوئی سمجھوتہ نہیں کرسکتا۔ اس اجلاس میں بابری مسجد کی بازیابی کے لیے جدوجہد کرنے اور ملک میں قانون کی حکمرانی کو یقینی بنانے کا عزم کیا گیا۔ Public Rally in Aurangabad on the anniversary of Babri Masjid Martyrdom
