شہر مالیگاوں کے قدوائی روڈ، محمد علی روڈ، مشاورت چوک، مچھلی بازار ، بھکو چوک اور دیگر علاقوں میں لوگوں کے اکثر لوگوں نے شہر میں ایم آئی ایم کے امیدوار مفتی محمد اسماعیل قاسمی کو کامیابی دلانے کی بات کہی۔
مالیگاؤں میں کانگریس اور ایم آئی ایم کے درمیان ٹکر
شہر کے نوجوانان اور بزرگ طبقہ۔ خاص کر کہ سنجیدہ مزاج طبقہ اویسی برادارن کی پارٹی مجلس اتحاد المسلمین کی جانب راغب ہے۔ جبکہ شہر کا ایک بڑا طبقہ کانگریس کے امیدوار اور موجودہ رکن اسمبلی آصف شیخ رشید کے دوبارہ اقتدار میں آنے کا خواہشمند ہے۔
مقامی لوگوں نے کانگریس کی بدعنوانیوں اور ناقص تعمیراتی کاموں کے بارے میں بتایا۔ دوسری جانب شہر کے لوگوں نے نئی قیادت والی ایم آئی ایم کے بدلاو کے نام پر ووٹ دینے کی بات کہی۔
