ریاست مہاراشٹر کے اورنگ آباد میں ونچت بہوجن اگھاڑی نے ڈیویژنل کمشنر آفس کے روبرو مسلمانوں کو ان کا حق دلانے کے لیے احتجاج کیا۔ انہوں نے مطالبہ کیا کہ اعلیٰ تعلیم کے لئے (بارٹی) Babasaheb Ambedkar Research and Training Institute (BARTI) اور )(سارتھی) Vidyasaarathi Scholarship کی طرز پر مارٹی کا بھی قیام عمل میں لایا جائے۔ انہوں نے مسلمانوں کو پسماندگی کی بنیاد پر پانچ فیصد ریزرویشن کا بھی مطالبہ کیا۔
یہ بھی پڑھیں:اورنگ آباد: چالیس گاؤں گھاٹ پر لینڈ سلائڈ
ونچت لیڈروں نے ریاست کی اتحادی حکومت کو موقع پرست حکومت سے تعبیر کیا۔ اسی طرح کانگریس اور این سی پی کو شیوسینا کے رنگ میں رنگ جانے کا الزام عائد کیا۔ ونچت لیڈروں کا کہنا ہے کہ واقعی اگر حکومت سیکولر کردار ادا کرنا چاہتی ہے تو اسے مسلمانوں کو ریزرویشن اور دیگر سہولیات فوری فراہم کرنی چاہیے۔ ونچت لیڈروں نے مسلمانوں کے حقوق کے لیے ریاست گیر احتجاج کا انتباہ بھی دیا ہے۔
