انھوں نے اپنے ٹریٹر اکاؤنٹ پر غم زدہ کنبوں کے لیے ایک پیغام کھا ہے کہ 'مہاراشٹر کے ناسک میں المناک حادثہ کی خبر سن کر میں افسردہ ہوں'۔
واضح رہے کہ اس حادثے میں بس اور رکشا دونوں ہی کنویں میں گر گئے جس کی وجہ سے اب تک ہلاکت 21 تک پہنچ چکی ہے جب زخمیوں کی تعداد بڑھ کر 35 ہوگئی ہے۔
پولیس اور راحت رسانی کے دستوں نے کافی مشقت کے بعد دونوں گاڑیوں کو کنویں کے باہر نکالا اور اس حادثے میں زخمی ہونے والے مسافروں کو جنرل اسپتال میں علاج کے لیے داخل کرادیا گیا۔
حادثے کی وجہ یہ بتائی جارہی ہے کہ اچانک بس کا ایک ٹائر پھٹ گیا تھا جس کی وجہ سے ڈرائیور توازن برقرار نہ رکھ سکا اور یہ حادثہ رونما ہوا۔
اس تعلق سے مہاراشٹر حکومت کی جانب سے مرنے والوں کے لواحقین کو 10-10 لاکھ روپئے معاوضہ اور تمام زخمیوں کو مفت طبی امداد فراہم کرنے کا اعلان کیا گیا ہے۔
