مالیگاؤں، مہاراشٹر: پریس کانفرنس میں آل انڈیا امامس کونسل کے جنرل سکریٹری مولانا وحید الزمان نے کہا کہ 18 مئی 2022 کو پورے بھارت میں گیان واپی مسجد کے تحفظ کے لیے امام کونسل کی جانب سے ایک پرامن احتجاجی مظاہرہ کیا گیا۔ انہوں نے کہا کہ جہاں جہاں یہ پرامن احتجاج کیا گیا، وہاں کسی طرح کی کوئی دشواری پیش نہیں آئی۔ لیکن مالیگاؤں میں ہونے والے احتجاج کے دوران پولیس نے مظاہرین کو حراست میں لے لیا اور ان پر سنگین دفعات کے تحت مقدمہ درج کرنے کے بعد انہیں عدالت میں پیش کیا، جہاں معزز جج نے تمام مظاہرین کو عدالتی تحویل میں روانہ کرنے کا حکم دے دیا۔ Arrest of Imam Council Members in Malegaon
مولانا وحید الزمان نے اس بات پر روشنی ڈالی کہ وہ پہلے گرفتار شدگان کی ضمانت کے لیے سیشن کورٹ میں پٹیشن داخل کریں گے اور جو سنگین دفعات امام کونسل کے ذمہ داران پر عائد کی گئی ہے، اس کے خلاف ہائی کورٹ میں ایک پٹیشن دائر کی جائے گی۔ ایڈووکیٹ عنبر دفعدار نے پولیس پر الزام عائد کرتے ہوئے کہا کہ امام کونسل کے ممبران کی گرفتاری کے بعد پولیس نے خود ایک وکیل لگا کر عدالت میں کارروائی مکمل کی ہے۔
یہ بھی پڑھیں:
