ممبئی: مہاراشٹر کی سیاست اکثر موضوع بحث رہتی ہے۔ کبھی شیو سینا تو کبھی این سی پی کے دو ٹکڑے ہونے کا معاملہ مسلسل سرخیوں میں رہا ہے۔ اب مہاراشٹر کی شندے-فڑنویس حکومت کے درمیان دراڑ نظر آ رہی ہے۔ وجہ ہے نائب وزیر اعلیٰ دیویندر فڑنویس نے دوسرے نائب وزیر اعلیٰ اجیت پوار کو خط لکھ کر نواب ملک کے بارے میں اپنا اعتراض ظاہر کیا ہے۔ انہوں نے کہا کہ نواب ملک پر الزامات لگائے جا رہے ہیں اور انہیں حکمراں اتحاد 'مہایوتی' میں شامل کرنا درست نہیں ہوگا۔
یہ بھی پڑھیں:
SC extends Nawab Maliks bail نواب ملک کو صحت کی بنیاد پر مزید تین ماہ کی عبوری راحت
مہاراشٹر کے سابق وزیر اور این سی پی کے سینئر لیڈر نواب ملک جو مبینہ منی لانڈرنگ کیس میں ضمانت پر باہر ہیں۔ 7 دسمبر کو پہلی بار مہاراشٹر اسمبلی کے اجلاس میں شریک ہوئے۔ ناگپور میں جاری سرمائی اجلاس کے پہلے دن، وہ ودھان بھون احاطے میں اجیت پوار کی زیر قیادت گروپ کے ارکان کے ساتھ پچھلی قطار کی بنچوں پر بیٹھے ہوئے نظر آئے۔ قبل ازیں، 64 برس کے نواب ملک کا اجیت پوار کی قیادت میں این سی پی لیڈر انیل پاٹل نے گرمجوشی سے استقبال کیا۔
اب دیویندر فڑنویس نے اس پر اعتراض ظاہر کیا ہے۔ انہوں نے اجیت پوار کو خط لکھ کر کہا کہ اقتدار آتا ہے اور جاتا ہے لیکن ملک اہم ہے، اگر ان (نواب ملک) کے خلاف الزامات ثابت نہیں ہوتے ہیں تو ہمیں ان کا خیر مقدم کرنا چاہیے۔ لیکن ہماری واضح رائے ہے کہ جب کسی کے خلاف ایسے الزامات لگائے جاتے ہیں۔ اگر ایسا ہے تو پھر انہیں اپنے اتحاد کا حصہ بنانا درست نہیں ہوگا۔
