ممبئی اینٹی نارکوٹک سیل نے سوشل سائٹ وہاٹس اپ کے ذریعے منشیات کا کاروبار کرنے والی ممبئی میں سرگرم گینگ کا پردہ فاش کیا۔
یہ گینگ وہاٹس اپ کے ذریعے کالج کے طلبا اور طالبات کو منشیات فروخت کیا کرتے تھے اور ممبئی پولیس کی نظروں سے بچنے کے لیے وہاٹس اپ پر ہی رابطہ قائم کرتے تھے۔
وہیں اس کی آہٹ ممبئی پولیس کو ہوئی تو انہوں نے گذشتہ کئی مہینوں سے ان کا اور ان کے گروہ سے منسلک افراد کا تعاقب کرنا شروع کردیا۔ جس کے بعد سنیل داس نامی ملزم کو گرفتار کر لیا گیا۔
گرفتار ملزم کے پاس سے ممبئی اینٹی نارکوٹک سیل نے نو کلو منشیات ضبط کیا ہے، ضبط کی گئی منشیات کی بھارتی بازار میں قیمت تقریبا دو لاکھ روپے بتائی جارہی ہے۔
سوشل سائٹ وہاٹس اپ کے ذریعے نشے کا کاروبار کرنے والوں کو لے کر اس سنسنی خیز انکشاف کے بعد ممبئی اینٹی نارکوٹک سیل کی ٹیم فی الحال ان لوگوں کو تلاش کر رہی ہے جنہوں نے نشے کا کاروبار کرنے کے لیے وہاٹس اپ گروپ میں شامل ہوئے تھے۔
