ممبئی:جالنا ضلع کی امباد تحصیل میں ہستپوکھری-کرجت سڑک کا کام شروع کیا گیا ہے۔ الزام ہے کہ ٹھیکیدار نے اس سڑک کی تعمیر میں بے ایمانی، بدعنوانی اور ناقص کام کی تمام حدیں پار کر دی ہیں۔ جب یہ سڑک بنی اور لوگوں نے اس پر آنا جانا شروع کیا تو انہیں یہاں کے گھپلے کا پتہ چلا۔ گاؤں والوں نے دیکھا کہ سڑک کے نیچے پلاسٹک بچھا ہوا ہے۔ جس کے اوپر ٹھیکیدار نے سڑک پر 40 ملی میٹر موٹی ڈامر کی تہہ ڈال دی ہے جسے آسانی سے ہٹا دیا جاتا ہے۔
لیکن حد اس وقت ہو گئی جب گاؤں والوں نے پلاسٹک اٹھایا تو پوری سڑک اکھڑ گئی۔ جس طرح ہم بستر پر پڑی چادر اٹھاتے ہیں اسی طرح یہ سڑک بھی اکھڑ گئی۔ اب اس سڑک کو لے کر گاؤں والوں میں کافی غصہ ہے۔ سڑک کی تعمیر کے دوران ناقص کام ہونے کے وجہ سے گاؤں والوں نے اس کام کو بے نقاب کیا ہے۔ اب اس کی ویڈیو سوشل میڈیا پر تیزی سے وائرل ہورہی ہے۔
یہ بھی پڑھیں:Raza Academy Slams Saudi Govt مکہ و مدینہ میں یہودیوں اور عیسائیوں کی انٹری پر رضا اکیڈمی برہم
اب شہریوں نے پورے کام کی تحقیقات کرتے ہوئے ٹھیکیدار اور انجینئر کے خلاف کارروائی کا مطالبہ کیا ہے۔ یہ سڑک 10 کلومیٹر لمبی سڑک ہے جو کرجت کو ہستہ پوکھری جالنا-امباد شاہ راہ سے جوڑتی ہے۔ جس میں سے 9.30 کلومیٹر اسفالٹنگ اور 700 میٹر سیمنٹنگ کی گئی ہے۔ اس کام کا ٹھیکہ جالنہ کے رانا کنسٹرکشن کے پاس ہے۔ یہ کام تقریباً 9 دن پہلے شروع ہوا تو مقامی شہری ناخوش تھے۔
