بیسٹ کی خصوصی زائد بس چلانے کا فیصلہ

ممبئی میونسپل کارپوریشن کے زیراہتمام بیسٹ ٹرانسپورٹ کمپنی نے شب برات کے موقع پر خصوصی زائد بس چلانے کا فیصلہ کیا ہے۔

بیسٹ کے ایک ترجمان کے مطابق شب برات پر مسافروں کی بھیڑکے پیش نظر عام دنوں سے زائد بسیں کئی روٹ پر چلائی جائیں گی۔

انہوں نے کہا کہ اس موقع پر سات خصوصی سنگل ڈیکر بسیں چلانے کا منصوبہ ہے، جس کے تحت بسیں رات میں 10بجے سے چلائی جائیں گی اور آخری پہر تک چلیں گی۔

ان خدمات کے لیے مسلم اکثریتوں علاقوں میں خصوصی انتظامات کیے گئے ہیں اور بھیڑ بھاڑ کو قابو میں کرنے کے لیے جگہ جگہ انسپکٹرز متعین کیے جائیں گے جوکہ مسافروں اور بزرگ مسافروں کی مدد کریں گے۔شہر اور مضافات میں بھی خصوصی بس خدمات دستیاب ہوں گی۔