مہاراشٹر: 50 سے زائد آئی پی ایس افسران کا تبادلہ

مہاراشٹر حکومت نے بڑا انتظامی ردو بدل کرتے ہوئے انڈین پولیس سروس کے 50 سے زائد افسران کا تبادلہ کردیا ہے۔

مہاراشٹر حکومت نے محکمہ داخلہ کے سکریٹری امیتابھ گپتا سمیت 50 سے زائد آئی پی ایس افسران کا تبادلہ کردیا ہے۔

امیتابھ گپتا اب پونے کے نئے پولیس کمشنر ہوں گے۔

جمعرات کی شام جاری کردہ سرکاری حکم نامے میں کہا گیا کہ 41 افسران کو نئی جگہ تعینات کردیا گیا ہے جبکہ باقی افسران کو ابھی تک کہیں تعینات نہیں کیا گیا ہے۔

پونے کے پولیس کمشنر کے آر۔ وینکٹیشم کا ایڈیشنل ڈائریکٹر جنرل پولیس (خصوصی آپریشن) کے طور پر تبادلہ کیا گیا ہے ۔