اس حادثے میں ایک خاتون کی موت ہوگئی ہے جب کہ دو افراد شدید زخمی ہوئے ہیں۔
ایسٹرن ایکسپریس ہائی وے پر آج صبح 6 بجے یہ حادثہ پیش آیا۔ ہلاک شدہ خاتون کی شناخت پھالگنی پٹیل کے طور پر ہوئی ہے۔
آج صبح ایسٹرن ہائی وے ایکسپریس وے کے پاس گنڈاولی بس اسٹاپ کے پاس جوگیشوری سے باندرہ کی طرف میٹرو ریلوے کے کام کے لیے جانے والا کرین ڈرائیور کا توازن کھوجانے کی وجہ سے میٹرو کے کھمبے سے ٹکرا گیا، جس کی وجہ سے بس اسٹاپ کے قریب کھڑے دو افراد شدید طور پر زخمی ہوگئے جبکہ کرین کے پچھلے ٹائر میں آنے سے ایک خاتون کی موت ہوگئی۔ وہیں کرین کا ڈرائیور موقع سے فرار ہوگیا۔
زخمیوں کو ہسپتال میں داخل کرایا گیا ہے، اس حادثے کے بعد پولیس جائے حادثہ پر پہنچی، پنچ نامہ کیا اور ہلاک شدہ خاتون کی لاش کو پوسٹ مارٹم کے لیے ہسپتال بھیج دیا۔
پولیس مفرور ڈرائیور کی تلاش میں مصروف ہے۔
