ممبئی میں کورونا سمیت اومیکرون کے بڑھتے کیسز Omicron Cases in Mumbai کے پیش نظر محکمۂ بی ایم سی کی جانب سے سخت قوانین اور ہدایات کا فرمان جاری کر دیا گیا ہے۔
اس فرمان میں محکمۂ بی ایم سی نے ہوٹل مالکان BMC Rules for Hotels in Mumbai کو انتباہ دیا ہے کہ ہوٹل مالکان اپنے ہوٹل میں موجود ٹیبل پر صرف 50 فیصد ہی لوگوں کو بیٹھا سکتے ہیں۔ اس کے ساتھ ساتھ ہوٹل کے اندر یا باہر یا ویٹنگ ایریا میں بھی ہجوم سے پرہیز اور اجتناب کیا جائے نیز ہوٹل کے ملازمین کو ہمیشہ ماسک پہننا لازمی قرار دیا گیا ہے۔
ہوٹل مالکان محکمۂ بی ایم سی کی جانب سے دی گئی ہدایتوں پر سختی سے عمل کر رہے ہیں لیکن ان قوانین کے بیچ ہوٹل کا یہ کاروبار پھر سے لاک ڈاؤن جیسے حالات کی نذر ہوتا دکھائی دے رہا ہے۔
ممبئی جیسے گنجان آبادی والے شہر میں مغلئی اور چائنیز کھانوں میں اکثریت مسلم کاروباریوں کی ہے۔ ایسا نہیں ہے کہ حکومت یا محکمۂ بی ایم سی محض ایک طبقے کے لئے یہ قانون نافذ کر رہا ہے بلکہ یہ قانون دوسرے ہوٹلوں کے لئے بھی ہے۔
بی ایم سی کے قوانین پر عمل نہ کرنے والوں کے خلاف محکمۂ بی ایم سی جو جرمانہ وصول کرتی ہے وہ رقم بہت زیادہ ہے اس لئے ہوٹل مالکان ہر ممکن کوشش کر رہے ہیں کہ بی ایم سی کے قوانین پر وہ سختی سے عمل کریں یا ہوٹل بند کر دیں تاکہ جرمانے سے بچ سکیں۔
