'مہاراشٹر میں کوئی سیاسی بحران نہیں آئے گا'

مدھیہ پردیش کے سیاسی بحران کے بعد اب مہاراشٹر میں بھی ایسی ہی قیاس آرائیاں جاری ہیں۔

ان افواہوں پر ردعمل ظاہر کرتے ہوئے شیوسینا کے رہنما سنجے راوت نے کہا کہ مغربی ریاست میں اس طرح کا کوئی آپریشن کامیاب نہیں ہوگا۔

سنجے راوت نے کہا کہ بی جے پی نے مہاراشٹر میں بھی حکومت بنانے کی کوشش کی لیکن ناکام رہی۔ یہاں ایسا کوئی آپریشن کامیاب نہیں ہوگا۔

انہوں نے کہا کہ ہم جیسے سرجن یہاں آپریشن تھیٹر میں بیٹھے ہیں۔ اگر کوئی کام کرنے آتا ہے تو اس کا خود آپریشن کیا جائے گا۔ تاہم ، انہوں نے یہ بھی کہا کہ کانگریس پارٹی ہی اس سیاسی بحران کی وجہ ہے ، پارٹی نے مدھیہ پردیش کو گمراہ کیا۔