ملک میں جاری لو جہاد قوانین پر بحث کے مابین مہاراشٹر کے ریاستی وزیر نے بھارتیہ جنتا پارٹی پر تنقید کرتے ہوئے کہا کہ بی جے پی اپنی ناکامیوں کو چھپانے کے لیے گائے اور لو جہاد جیسے قوانین کا سہارا لے رہی ہے۔
اسلم شیخ نے کہا کہ جو حکومتیں اپنی ناکامیوں کو چُھپانا چاہتی ہیں وہ ایسے قوانین لا رہی ہیں۔ انہوں نے کہا کہ مہاراشٹر حکومت اپنا کام مؤثر طریقے سے کررہی ہے اور اسے دوسری ریاستوں کی طرح قوانین لانے کی ضرورت نہیں ہے۔
اسلم شیخ نے مزید کہا کہ 'بھارت ایک سیکولر ملک ہےا ور یہاں ہر شخص کو اپنی پسند کے مطابق شادی کرنے کا حق حاصل ہے اس لیے اس طرح کے قوانین کی ضرورت نہیں ہے۔
کامیڈین بھارتی سنگھ گرفتار
واضح رہے کہ اترپردیش، ہریانہ اور مدھیہ پردیش میں بی جے پی حکومتوں نے کہا ہے کہ وہ ایسی شادیوں کو روکنے کے لیے قوانین کے نفاذ پر غور کر رہی ہیں جہاں ہندو خواتین کو محبت اور شادی کے نام پر ہراساں اور جبری طور پر مذہب تبدیل کرنے کا سامنا کرنا پڑتا ہے۔
