ریاست مہاراشٹر کے اورنگ آباد سے رکن پارلیمان امتیاز جلیل نے کہا کہ 'مہاراشٹر حکومت کو صرف اقلیتوں کا ووٹ چاہیئے۔ حکومت انہیں ان کا حق نہیں دینا چاہتی۔' اس کا عملی نمونہ مہاراشٹر پبلک سروس کمیشن میں ممبران کے سلیکشن میں دیکھنے کو ملا ہے۔
اورنگ آباد سے ایم آئی ایم کے رکن پارلیمان امتیاز جلیل نے ریاستی حکومت پر یہ الزام عائد کیا کہ 'مہاراشٹر پبلک سروس کمیشن کے ممبران کے لیے سات ناموں کی فہرست روانہ کی گئی تھی جن میں دو مسلم نام بھی شامل تھے۔ لیکن ریاستی گورنر سے صرف تین نام پر ہی دستخط کیوں کروائی گئی۔
یہ بھی پڑھیں: جنتر منتر معاملہ: قومی اقلیتی کمیشن کا ڈی سی پی کو نوٹس
ایم پی امتیاز جلیل نے الزام عائد کیا کہ 'مہاراشٹر پبلک سروس کمیشن جیسے ادارے میں اقلیتوں کی نمائندگی کو جان بوجھ کر نظر انداز کیا جارہا ہے، وہ بھی ایسے وقت جب عنقریب ہزاروں افراد کے سلیکشن ہونے ہیں۔'
