ممبئی میں این آئی اے کا انڈرورلڈ ڈان داؤد ابراہیم گینگ ڈی کمپنی پر کارروائی جاری ہے۔ دوسری طرف این آئی اے نے ممبئی کے مضافاتی علاقہ گوریگاؤں سے عارف ابوبکر شیخ کو گورے گاؤں لنک روڈ پلٹو بلڈنگ روم نمبر 604 سے گرفتار کر لیا۔ NIA Arrests Chhota Shakeel's brother-in-law
ان دونوں پر ڈی کمپنی سے تعلقات اور ممبئی میں ڈی کمپنی کی سر گرمیوں میں ملوث اور مالی معاونت و ڈی کمپنی کی سرمایہ کاری کا الزام ہے۔ این آئی اے نے انڈرورلڈ ڈان داؤد ابراہیم ڈی کمپنی کے وابستگان کے خلاف کیس درج کیا تھا، جس میں حاجی انیس ابراہیم شیخ، شکیل شیخ عرف چھوٹا شکیل، جاوید پٹیل عرف جاوید چکنا، مشتاق عبدالرزاق میمن عرف ٹائیگر میمن کو نامزد کیا گیا ہے۔ ان سے مالی لین دین اور منشیات کی اسمگلنگ و دیگر جرائم میں ملوث پر بھی این آئی اے اب کارروائی کر رہی ہے۔
ان لوگوں پر داؤد ابراہیم سے رابطہ رکھنے کے علاوہ ان پر جیش محمد، لشکرطیبہ، القاعدہ اور دیگر دہشت گرد تنظیموں سے بھی رابطہ رکھنے کا الزام ہے۔ ان پر غیر قانونی منی لانڈرنگ حوالہ ریکیٹ دیگر سر گرمیوں سمیت غیر قانونی سر گرمیوں میں ملوث ہونے کا شبہ ہے۔ قومی تقتیشی ایجنسی نے جن دو لوگوں کو گرفتار کیا ہے۔ وہ ڈی کمپنی کے خاص اور چھوٹا شکیل کے لئے ممبئی میں کام کیا کرتے تھے۔ ان پر دہشت گردی کے لیے فنڈنگ اور حوالہ ریکیٹ کا بھی شبہ ہے۔
واضح رہے کہ این آئی اے نے اس سے قبل 25 مقامات پر چھاپہ مار کارروائی کی تھی اور ڈی کمپنی کے مشتبہ ارکان اور بلڈروں پر اپنا شکنجہ کسا تھا، اس میں چھوٹا شکیل کے ہم زلف سلیم فروٹ کو بھی حراست میں لیا تھا، جس کے بعد ڈی کمپنی کے 6 مشتبہ ارکان کو رہا کر دیا گیا تھا، لیکن این آئی اے نے اب تک انہیں کلین چٹ نہیں دی ہے اور تفتیش کا دائرہ کار وسیع کر دیا ہے۔
