دھمنا ڈیم کی خستہ حالی، مقامی لوگوں کا ردعمل

ریاست مہاراشٹر کے ضلع جالنہ میں واقع دھمنا ڈیم کی دیواروں میں لیکیج ہونے سے مقامی لوگ خوف مبتلا ہیں۔ ان کا کہنا ہے کہ کہیں رتنا گیری ڈیم جیسا حادثہ نہ پیش آئے۔

جالنہ کے سیلود گاؤں میں واقع دھمنا ڈیم کچھ برسوں سے خشک ہوگیا تھا۔ لیکن کچھ دنوں سے موسلادھار بارش کی وجہ سے یہ ڈیم 80 فیصد بھر گیا ہے۔

ڈیم کے بھر جانے سے دیواروں میں سے پانی رسِ رسِ کر بہہ رہا ہے مقامی لوگ خوف میں مبتلا ہیں کہ کہیں رتنا گیری ڈیم جیسا حادثہ نہ ہوجائے۔

واضح رہے کہ گذشتہ دنوں مسلسل بارش کی وجہ سے رتنا گیری میں ڈیم ٹوٹنے سے چھ افراد ہلاک 19 لاپتہ اور 12 مکانات بہہ گئے تھے۔